Search
  • АСК Феникс АМС

Колку јагленихидрати се потребни за да ослабите?

Обично јаглените хидрати се првите кои треба да бидат исконтролирани во услови кога настојувате да ја корегирате вашата исхрана. Белиот леб, тестенините, колачите и останатите зашеќерени продукти се познати саботирачи на обидите за слабеење.

Но ако започнете премногу да го ограничувате внесот на јагленохидратите или ако целосно ги исклучите од вашата исхрана, тогаш се изложувате на значително зголемен ризик од заболување.


Јагленохидратите се основата на правилниот начин на исхрана, заради тоа што претставуваат извор на енергија за сите активности на телото. Покрај енергијата која ја обезбедуваат, јагленохидратите се потребни за градење на неесенцијалните аминокиселини кои телото ги користи за креирање на протеини. Тие имаат и своја улога во процесирањето на мастите при создавањето на р`скавица, коски и ткиво на нервниот систем.


Па, колку грами на јагленихидрати треба да примате секој ден, а при тоа да ослабите? Секој има потреба од јагленихидрати. Индивидуалната количина на јгленихидрати кои треба да бидат конзумирани зависи од повеќе фактори: возраст, пол, висина, тежина, ниво на физичка активност, генетика...


Во услови кога се обидувате за ослбите, јагленохидрати би требало да се на ниво од 45 % од секојдневниот внес на калории. Или попрецизно, утврдете колку калории внесувате секојдневно, потоа пресметајте 45 % од тој број, па поделете ја добиената вредност со 4. На таков начин ќе добиете број кој го претставува дневниот внес на јагленохидрати во грами. (повеќе во „Основни принципи на исхрана и правилна исхрана на спортисти“). Ако кај вас на пример секојдневниот внес на калории е 1800, тогаш би требало да настојувате со исхраната да внесувате до 202 грами на јагленихидрати секој ден.


Имајќи го тоа на ум, веројатно ќе треба да направите одредени модификации во исхраната за да го постигнете оптималниот внес. Ако немате успех во губењето на тежината во текот на првата недела, тогаш можеби ќе треба да се обидете да го намалите внесот под 45 %. Ако пак забележите губење на тежина, но при тоа се чувствувате преморено и безволно, тогаш мора да го зголемите внесот на јагленихидрати.


Иако е во ред да се оди над 45 % внес на јагленохидрати, сепак внимавајте да тоа не биде над 65 % од дневниот внес на калории. Ваквиот внес остава помалку простор за внес на протеини и здрави масла, кои овозможуваат чувство на ситост и други бенефити при намалувањето на телесната тежина.


Клучот во контролирањето на јагленохидратите е различноста. Потрудете се да внесувате зрнеста храна, овошје, зеленчук, мешункасти растенија, млечни производи, а при тоа внимавајте на големината на порцијата. Овие здрави извори на јагленихидрати се полни со влакна, а тие овозможуваат заситување и намалување на апетитот.

Не е дека мора да го отстраните вашиот омилен леб или тестенините од исхраната, но добро би било да внимавате во колкава количина ги јадете. Секако дека можете да ослабите, а при тоа да јадете тестенини. Сепак, добро би било да при тоа користите и многу зеленчук и протеини.



Кога еднаш ќе го утврдите бројот на јагленохидрати кои треба да ги внесувате, не заборавајте да го распределите нивниот внес во текот на целиот ден за да го одржувате потребното ниво на шеќер во крвта. Ако јадете пет пати на ден и при тоа сакате да одржите внес на 202 грами на јагленихидрати дневно, тоа значи дека на секој оброк би требало да внесете по околу 40 грами јагленихидрати (тоа е повеќе од една банана).

Прочитајте повеќе во „Основни принципи на исхрана и правилна исхрана на спортисти“.

33 views

© 2019 by ASK Feniks AMS

Ignjat Atanasovski 17 - Vero 4, lokal 3, 7000 Bitola, Macedonia

  • ASK Feniks AMS - Twitter
  • Feniks AMS-LinkedIn
  • Feniks AMS - Facebook