Публикацијата – прирачникот за мини-ракомет, од авторот -  ракометен трнер Николче Костовски, дава можност за потполна едукација на стручниот кадар во оваа спортска игра. Текстот илустрациите и цртежите, вкомпонирани во една целина и совршено стручно разработени им даваат на тренерите и на спортските педагози можност да навлезат во тајните на мини-ракометот, а потоа своите знаења стручно да ги применат во работата со најмладите категории.

Посебно импонира оригиналноста на трудот, што значи дека истиот и ако е прв од ваков вид ќе има големо значење за напредокот на оваа спортска игра која е се по популарна и масовно прифатена од младата популација.

Прирачникот за мини-ракомет не само што ги задоволува основните критериуми во областа во која е наменет, туку дава големи можности за стручно усовршување на тренери и педагози во работата со помладите категории во оваа спортска игра. Ова е неопходно со оглед на тоа дека се работи за посебни возрасни карактеристики на децата и посебни карактеристики на оваа спортска игра во овие возрасти.

 

И на крајот треба да се додаде дека релевантните фактори треба ваквите

проекти безрезервно да ги поддржат, како би дале допринос во развојот на

оваа спортска игра.

 

Неделко Неделковски

ЕХФ Супервизор

​

​

​

Рецензија за книгата

,,Мини ракомет - првиот чекор кон вистинска ракометна иднина“

од авторот Николче Костовски

​

​

​

Во немањето на доволно квалитетно и стручно усовршување на тренерскиот кадар, во Македонија, посебно за младите категории и почетниците, издавањето на учебник претставува вистинска добивка за ракометниот развој на младата популација. Само на овој и ваков начин ракометот, нашиот најтрофеен спорт ќе го врати своето реноме.

​

Светот, а посебно Европскиот континент од поодамна своето внимание го има насочено кон мини-ракомет, во кој всушност се учат првите ракометни чекори, движења и додавања на топката што би значело, внесување на љубов во срцето на најмладата популација, што речено со спортски жаргон значи примање на доживотна спортска вакцина.

​

Кога еден млад ракометен стручњак ќе направи ваков голем труд, во кој пред се вложил многу знаење, време и се разбира финансиски средства, мора да се каже дека тоа го сработил од срце.

​

Ракометни стручњаци, ВИЕ кои сте на почетокот на кариерата или пак долги години работите со оваа категорија ракометари, ваков прирачник е најдоброто што се случува во Македонскиот ракомет.

Без комплименти;

Мајсторе Костовски ти благодариме!

 

Сандре Темелковски

Ракометен тренер